So' passate cinquant'anne,
cinquant'anne, ce penzate?
E ce simme ritruvate,
comm'a cinquant'anne fa'.

Chi c'acchiale 'ncopp'o naso,
chi 'e capille è tene janche,
chi a' "crisciuto" panza e scianche,
chi già riente 'un tene cchiù,

quase nun ce canuscimme.
Chiù nun simme li guagliune
del lontano cinquant'uno;
simme anziane e c'àmma fa.

Mo ce cantano 'a canzone:
"Quante s'addiventa viecchie
pure 'a panza s'arrepecchia
e 'a chitarra 'un sona cchiù",

ma nun ce ne fotte niente!
'A 'sta recchia nun sentimme
pecchè dinte 'nuie tenimme
'n'ata storia, 'n 'ata età.

E pe' chesto nun pensammo
a quant'anne so' passate.
Mo ce simme ritruvate?
e ce piace e ricurdà:

Chella scola 'a Maddalena
'e cumpagne…..tutte quante,
chi sta ccà, chi e assente
chi tra nuie cchiù nun ce stà.

M'allicordo Raguseo:………
Ci addurmeva 'nzogne 'nzogne.
Signor Buffi….'a "carogna",
se faceva rispettà.

E quel tal signor Romeo?
A matina mmerz'è sette;
col "pulirsi le scarpette"
che rottura….mamma mà

E Piticchio, ce penzate?
(Steve 'ncopp'a la muntagna)
Quante vvote 'na "cumpagna"
ce faceva cunzulà.

Dio! Quant'anne so' passate,
mamma mia, 'na vita sana….
Si ce chiammeno anziane
ce vulimme 'ntussecà?

Forse viecchie simme a fora,
ma int'o core "sti guagliunne"
so' rimaste 'o cinquantuno,
e ce piace d'ò penzà……